სასროლეთის თავგადასავალი
0 კომენტარები

მაიდეის თავგადასავლებს შორის არის სასროლეთი, რომელიც დაუვიწყარი ემოციისა და განტვირთვის შესანიშნავი საშუალებაა როგორც თქვენთვის, ისე საყვარელი ადამიანებისთვის. იქნება ეს ერთი ჩვეულებრივი დღე, თუ განსაკუთრებული თარიღის აღნიშვნა, თავგადასავალში მონაწილეობა ან ორგანიზებული თავგადასავლის ჩუქება საუკეთესო საჩუქარია ასეთი დღეების დასამახსოვრებლად.

ისწავლე, ისროლე და განიტვირთე

ერთი შეხედვით, იარაღის გამოყენება მარტივი ჩანს - აიღე, დაუმიზნე და გამოჰკარი სასხლეტს.

სინამდვილეში, ცეცხლსასროლ იარაღთან მოპყრობა კომპლექსურ საკითხებს ითვალისწინებს: სამართლებრივი ნორმები, უსაფრთხოება, სროლის ტექნიკა. მათ შესასწავლად კი, მაღალკვალიფიციური ინსტრუქტორი და შესაბამისი ადგილი დაგჭირდებათ.

მაიდეის თავგადასავლის პარტნიორი Battleground * ბეთლგრაუნდი - დახურული ტიპის სასროლეთს მიეკუთვნება და აღჭურვილია ამერიკული სტანდარტის სისტემით, რაც გულისხმობს:

  • ბალისტიკური დაცვა - ჭერი, იატაკი, კედლები და ტყვიის დამჭერი ზონა მთლიანად დაფარულია ტყვიაგაუმტარი ლითონისა და სპეციალური ტექნოლოგიით დამზადებული რეზინის ერთობლიობით, რომელიც უზრუნველყოფს ტყვიის ასხლეტვისგან დაცვას.
  • აკუსტიკური იზოლაცია და განათება - თანამედროვე ხმის ჩამხშობი სისტემები და იდეალური განათება მაქსიმალურ კომფორტს უქმნის მსროლელს და ეხმარება კონცეტრაციაში.
  • კლიმატკონტროლი და სავენტილაციო სისტემა - სავენტილაციო სისტემების გამართული მუშაობა ძალიან მნიშვნელოვანი კომპონენტია, რადგან სათანადო ვენტილაცია ხელს უშლის ტყვიის ნაწილაკებისა და სხვა წვის პროდუქტების ზემოქმედებას მსროლელზე. ბეთლგრაუნდში საერთაშორისო სტანდარტის მიხედვით შემუშავებული და დამონტაჟებული სისტემა დაგხვდებათ.
  • სამიზნეების მართვის სისტემები - მსროლელზე მორგებული, კომფორტული და კომპაქტურად გამოსაყენებელი.

რა თქმა უნდა, მაიდეისა და ბეთლგრაუნდის მთავარი პრიორიტეტი უსაფრთხოებაა. მაიდეიში მოსვლისთანავე, თავგადასავლის მონაწილე დაზღვეულია სადაზღვეო კომპანია არდის ერთ-დღიანი ექსტრემალური სპორტული აქტივობების დაზღვევით თავგადასავლის დასრულებამდე. ტაქტიკურ ცენტრში კი უსაფრთხოების მთავარი მნიშვნელოვანი დეტალი  - ტყვიის დამჭერი ზონაა. ტყვიის დამჭერ ზონაში მეტი ეფექტურობისთვის გამოიყენება ე.წ ტყვიის ხაფანგები, რომლებიც ტყვიის სიჩქარესა და ენერგიას საგრძნობლად ამცირებენ, რის შედეგადაც ასხლეტვის საშიშროება არ არსებობს.

ბეთლგრაუნდის სასროლეთის სიგრძე 25 მეტრია და 4 სასროლ ზოლს მოიცავს.

რაც შეეხება ცეცხლსასროლი იარაღის მოდელებს, არჩევანი შეგიძლიათ გააკეთოთ 20-მდე სხვადასხვა მოდელს შორის, იარაღი კი განეკუთვნება ისეთ ბრენდებს, როგორიცაა: Glock, HK, Smith&Wesson, Daniel Defense, Colt, GSG-5 და  CZ858. 

სწორედ ამ მიზეზების გამო ითვლება ბეთლგრაუნდი ევროპაში ერთ-ერთ საუკეთესო სასროლეთად, სადაც შეგიძლიათ მიხვიდეთ, ისწავლოთ სროლა, გამოსცადოთ საკუთარი თავი და აივსოთ მძაფრი ემოციებით.

სასროლეთის თავგადასავალში მონაწილეობის მინიმალური ასაკი 10 წელია, თუმცა არასრულწლოვნებისთვის მშობლის თანხლება აუცილებელია. მონაწილეების მინიმალური რაოდენობა შეზღუდული არ არის თუმცა ერთდროულად 10 მონაწილის მიღება არის შესაძლებელი.

აქტივობის ხანგრძლივობა 4 საათია და ის 10:30-ზე იწყება.

დაუშვებელია  ალკოჰოლისა ან/და ნარკოტიკების ზემოქმედების ქვეშ ყოფნა 

თავგადასავალი მაიდეიში შეხვედრით იწყება, საიდანაც ტაქტიკურ ცენტრში გაემგზავრებით. დაათვალიერებთ 5.11-ის ტაქტიკური ტანსაცმლის მაღაზიას და ბრენდირებული მაისურებით დასაჩუქრდებით. მოზარდები შეძლებენ წვრილი კალიბრის სროლას საგანზე/ გაბერილ ბუშტებზე ხოლო ზრდასრულები გაეცნობიან პისტოლეტისა და შაშხანის ტიპის იარაღს, მათ დაშლა/აწყობას. ისვრიან მსხვილ კალიბრს/ დაუმიზნებენ ნივთებს და შესაძლებლობა ექნებათ გუნდური შეჯიბრით გახალისდნენ.

შეისვენებენ მსუბუქი ლანჩით და ემოციებით დამუხტულები დაბრუნდებიან მაიდეიში. 

თავგადასავლის ღირებულება მოიცავს ტრანსპორტირებას, აქტივობას, ლანჩს და დაზღვევას.

 

Თავგადასავალი

დატოვეთ კომენტარი

კომენტარები მოწმდება და დასტურდება ადმინისტრატორის მიერ